Plantun de Prouvènço

Pèr coumpara dos planto d'encò nostre

Ceratophyllum demersum & Lathyrus filiformis

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Jaisso(-primacholo)

Lathyrus filiformis

Fabaceae Leguminosae

Nom en français : Gesse filiforme.

Descripcioun :
La jaisso-primacholo trachis souto li chaine-blanc (blacas). Se recounèis à si fueio coumpausado de 4 à 6 long fueioun prim (4 x 0,3 cm) e à si flour vióuleto pulèu grando (15 mm) en grapo pourtado pèr un long pecou.

Usanço :
Ramentan qu'èi pas counseia de manja li grano, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : Pancaro entresigna
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Colo - Tepiero umido - Basso mountagno
Estànci : Mesoumediterran à Subremediterran
Couroulougi : Pancaro entresigna
Ref. sc. : Lathyrus filiformis (Lam.) J.Gay, 1857

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Lathyrus filiformis

ges

Coumpara Courniflo emé uno autro planto

Coumpara Jaisso(-primacholo) emé uno autro planto